Avropada qaz 4 % ucuzlaşıb

Avropada təbii qazın birja qiyməti təqribən 4 %-dək düşüb.

“Report” Londonun “ICE Futures” birjasına istinadən xəbər verir ki, Avropanın ən likvid habı olan TTF-də (Niderland) qazın fyuçerslərinin qiyməti günə 2 150 ABŞ dolları ilə başlayıb.

Bu isə dünən qeydə alınmış qiymətlə (min kubmetr üçün 2215,7 dollar) müqayisədə 3 % aşağıdır. Daha sonra qiymət 2127,9 dollaradək düşüb.