Avropada təbii qaz 2,7 % bahalaşıb

Avropada təbii qazın birja qiymətləri 2,7 % artıb.

“Report” Londonun “ICE Futures” birjasına istinadən xəbər verir ki, Avropanın ən likvid habı olan TTF-də (Niderland) qazın fevral fyuçerslərinin günə 755,5 dollarla (+1,1%) başlasa da, sonradan 766,9 dollaradək (2,7 %) yüksəlib. Dinamika əvvəlki ticarət günü (cümə günü) qeydə alınmış hesablaşma qiymətinə (min kubmetr üçün 747 dollar) əsasən hesablanır.

Xatırladaq ki, yanvarın 17-də Avropada qazın qiyməti 600 dollardan aşağı enib. Ekspertlər bunu havaların isti keçməsi və Avropanın anbarlarında qaz ehtiyatlarının yüksək olması ilə əlaqələndirirlər.