Avropa İttifaqı Cənub Qaz Dəhlizinin önəmini vurğulayıb

Avropa İttifaqı (Aİ) enerji təhlükəsizlyi sahəsində Gürcüstanın əsas tərəfdaşlarından biri kimi rolunu yüksək qiymətləndirib.

“Report”un yerli bürosu xəbər verir ki, bu barədə Gürcüstan-Aİ Assosiasiya Şurasının birgə press-relizində bildirilib.

Aİ Xəzər dənizindən karbohidrogenlərin Cənub Qaz Dəhlizi vasitəsilə Avropa bazarlarına çatdırılmasında Gürcüstanın tranzit funksiyasını qeyd edib.

Sənəddə həmçinin vurğulanıb ki, ittifaq Gürcüstanı bölgədə əsas tərəfdaş kimi qəbul edir, xarici siyasət və təhlükəsizlik sahələrində əməkdaşlığa böyük önəm verir.

Qeyd edək ki, bu gün Brüsseldə Gürcüstan-Aİ Assosiasiya Şurasının VI toplantısı keçirilib.