Yuxarı

​Avrokomissiya "Türk axını" və "Tesla" layihələrini prioritet saymır

Komissiyanın təmsilçisi: Balkan dövlətləri iyulun ortalarında mavi yanacağın tədarükü sahəsində öz seçimlərini edib

Bakı. 19 avqust. REPORT.AZ / "Türk axını"nın Balkan ölkələri üçün davamı sayılan "Tesla" qaz boru kəməri layihəsi Cənub-Şərqi Avropa dövlətləri üçün prioritet deyil. "Report"un "RİA Novosti"yə istinadən verdiyi xəbərə görə, bunu Avropa Komissiyasının təmsilçisi bildirib.

"Təbii qazın Cənub-Şərqi Avropaya təhlükəsiz ötürülməsinə gəldikdə isə bu məsələdə maraqlı dövlətlər iyulun ortalarında "mavi yanacağ"ın tədarükü sahəsində öz seçimlərini edib", - qurumun rəsmisi bildirib.

Onun sözlərinə görə, "Tesla" layihəsi də hazırda Avropa üçün prioritet layihə sayılmır.

Qeyd edək ki, bir müddət öncə Balkan dövlətləri, xüsusilə Serbiya, Makedoniya, Yunanıstan və Macarıstan "Türk axını" qaz kəmərinin Avstriyaydək çəkilməsində maraqlı olduqlarını bildirib. Bunun üçün həmin xəttin 1 400 km uzunluğunda "Tesla" adı verilmiş qolunun inşa edilməsi təklif edilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi