AREA və “Smartnation” platforması arasında Əməkdaşlıq Memorandumu imzalanıb

Energetika Nazirliyi yanında Bərpa Olunan Enerji Mənbələri Dövlət Agentliyi (AREA) və “Smartnation” insan inkişaf platforması arasında “Yaşıl dünya naminə həmrəylik ili” çərçivəsində Əməkdaşlıq Memorandumu imzalanıb.

“Report”un AREA-ya istinadən verdiyi məlumata görə, sənədi BOEMDA-nın direktoru Cavid Abdullayev və “SMARTNATION” insan inkişaf platformasının təsisçisi, COP29 Təşkilat Komitəsinin üzvü Şəbnəm Məmmədova imzalayıb.

Sənədə əsasən, “Yaşıl dünya naminə həmrəylik ili çərçivəsində iqlim dəyişmələri və “yaşıl artım”, Maarifləndirmə və Ətraf mühitin sağlamlaşdırılması istiqamətlərində birgə əməkdaşlıq və fəaliyyət həyata keçiriləcək. Əməkdaşlıq Memorandumu “Made in Azerbaijan” istiqamətində yerli “yaşıl” texnologiyaların, məhsul və xidmətlərin yaradılması və bu məqsədlə “yaşıl” texnologiyaların tətbiqinin genişləndirilməsinin təşviqinə dəstək tədbirlərini ehtiva edir. Tədbirlərin dövlət-özəl, elmi-tədqiqat müəssisələrinin birgə əməkdaşlıq və dialoq prinsipləri ilə həyata keçirilməsi nəzərdə tutulur.