ADNOC Azərbaycanda şirkət yaradıb

İqtisadiyyat Nazirliyi yanında Dövlət Vergi Xidməti Əbu-Dabi Milli Neft Şirkətinə (ADNOC) məxsus “ADNOC Internatıonal Projectco 1 RSC Lımıted" şirkətinin Azərbaycandakı filialı dövlət qeydiyyatına alıb.

“Report” nazirliyə istinadən xəbər verir ki, yeni şirkətin hüquqi ünvanı Bakı şəhəri Nəsimi rayonu, Neftçilər prospekti, ev.153 ("Port Baku Towers"), qanuni təmsilçisi isə Murad Sabir oğlu Sadıxovdur.

Xatırladaq ki, M. Sadıxov həmçinin Birləşmiş Ərəb Əmirliklərinin “Masdar” şirkətinin Azərbaycan üzrə ölkə meneceridir.