Yuxarı

ABŞ özəl şirkətlərə nefti strateji anbarlarda saxlamağa icazə verəcək

​ABŞ özəl şirkətlərə müvəqqəti olaraq nefti strateji saxlanclarda saxl

ABŞ Prezidenti Donald Tramp özəl neft şirkətlərinə məhsullarını dövlətin strateji saxlanc yerlərində saxlamağa müvəqqəti icazə veriləcəyini söyləyib.

Bu barədə “Report” “Kommersant”a istinadən xəbər verir.

D.Trampın sözlərinə görə, hazırda neft bazarında koronavirus ilə əlaqədar xeyli miqdarda izafi xammal var. ABŞ prezidenti hökumətin neft şirkətlərini dəstəkləmək üçün tədbirlər görəcəyinə söz verib.

Xatırladaq ki, dünən D.Tramp “Exxon Mobil” və “Chevron” şirkətləri başda olmaqla, ABŞ-ın bir sıra iri neft şirkətlərinin rəhbərləri ilə görüş keçirib.

Qeyd edək ki, ABŞ-da strateji neft ehtiyatı qlobal enerji böhranından sonra 1975-ci ildə Konqres tərəfindən yaradılıb. Saxlanclarının ümumi tutumu təxminən 713,5 milyon barel neft təşkil edir. Hazırda Texas və Luizianadakı dörd saxlanc yerində təxminən 635 milyon barel saxlanılır.

Martın əvvəlindən etibarən neft qiymətləri son 20 ilin minimum səviyyəsinə düşüb. Səbəblərdən biri OPEC+ sazişinin pozulmasıdır: təşkilata daxil olan ölkələr neft hasilatının daha da azaldılması barədə razılığa gələ bilməyiblər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi