Yuxarı
    Bağlamaq

    ABŞ-ın neft ehtiyatlarında artım proqnozu 3 dəfə üstələyib

    Brent markalı neftin qiyməti 50 dollar/barelə enə bilər

    Bakı. 15 fevral. REPORT.AZ/ ABŞ-da xam neft ehtiyatları 9-15 fevral həftəsində proqnozu 3 dəfəyə yaxın üstələyərək 3,5 mln. barel əvəzində 9,94 mln. barel artıb. "Report" xəbər verir ki, bu məlumatı Amerika Neft İnstitutu (APİ) yayıb.

    Xatırladaq ki, APİ-nin hesabatı bu gün, fevralın 15-də axşam, ABŞ Energetika Nazirliyinin Energetika İnformasiyaları Agentliyi (EİA) tərəfindən açıqlanacaq rəsmi hesabatın ilkin siqnalı kimi qəbul olunur.

    EİA-nın proqnozuna görə, hesabat həftəsində neft ehtiyatları 3,513 mln. barel artmalı, benzin ehtiyatları 0,752 mln. barel, distillat ehtiyatları isə 0,696 mln. barel azalmalıdır.

    Qeyd edək ki, APİ-nin hesabatı dünən, fevralın 14-də "Brent" markalı neftin qiymətinin 1,6% azalaraq 55,53 dollar/barelə qədər geriləməsinə səbəb olub. Bu gün açıqlanması gözlənilən EİA hesabatı və fevralın 17-də "Baker Hughes" şirkətinin ABŞ-ın həftəlik neft hasilatı və aktiv qazma quyularının sayı barədə məlumatı əsasında neft qiymətlərinin hərəkət trayektoriyası müəyyənləşəcək. Xatırladaq ki, ötən həftə ABŞ-da aktiv neft quyularının sayı daha 8 ədəd və ya 1,37% artaraq 591-ə çatıb.

    "Report"un analitik qrupu hesab edir ki, neft qiymətlərinin bu gün də azalma trendinə davam etməsi gözlənilir: "Brent" markalı neftin qiyməti 50 dollar/barelə qədər geriləyə bilər. Lakin, neft qiymətlərinin yaxın perspektivdə 45 dollar/bareldən aşağı düşəcəyi proqnozlaşdırılmır. Maksimum isə qiymətlər 65 dollar/barelə kimi yüksələ bilər".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi