Yuxarı

ABŞ-ın neft ehtiyatları 4 həftədir ki, azalır

Yaranmış vəziyyət investorlar üçün gözlənilməz olub

Bakı. 28 sentyabr. REPORT.AZ/ ABŞ-ın neft ehtiyatları 4-cü həftədir ki, azalmaqdadır. 

"Report" Rusiya mətbuatına istinadən xəbər verir ki, bu barədə Amerika Neft İnstitutu (APİ) məlumat yayıb. 

Azalma investorlar üçün gözlənilməz olub. Çünki analitiklər neft ehtiyatlarının 3 mln. barel artacağını proqnozlaşdırırdığı halda, son 1 həftədə sözügedən göstərici 752 min barel azalıb. 

ABŞ-ın benzin ehtiyatları da 3,7 mln. barel azalıb. Ölkənin distilat ehtiyatları isə 7 həftəlik artımdan sonra 343 min barel azalma nümayiş etdirib. 

ABŞ-ın Energetika Nazirliyi isə neft ehtiyatları ilə bağlı göstəricini hələ açıqlamayıb və bu günə gözlənilir. Bununla belə, qurum bəyan edib ki, son 3 həftə ərzində ehtiyatların həcmində 4% azalma baş verib. Bu məlumat dünya bazarından neftin bir qədər bahalaşmasına səbəb olub. "Brent" markalı qara qızılın hər barrelinin qiymıəti 0,75% artaraq 46,85 dollar olub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi