Yuxarı
    Bağlamaq

    ABŞ gələn il neft hasilatı üzrə Səudiyyə Ərəbistanını ötəcək

    Ötən həftə ABŞ-da neft hasilatı tarixi rekordunu yeniləyib

    Bakı. 13 dekabr. REPORT.AZ/ Neftin qiymətində yaşanan yüksəlişin ABŞ neft hasilatını artırması nəticəsində 2018-ci ilin may ayında bu ölkədə hasilatın Səudiyyə Ərəbistanının analoji göstəricisini keçməsi gözlənilir. 

    "Report" xəbər verir ki, bu proqnozu ABŞ Energetika Nazirliyinin nəzdində müstəqil qurum olan Energetika İnformasiyaları İdarəsi yayıb.

    Proqnozlara görə, 2018-ci ilin mayında ABŞ-da neft hasialtı 9,99 mln. barel/günə çatacaq. Səudiyyə Ərəbistanında isə OPEC+ anlaşması çərçivəsində hasilat, təxminən, noyabr ayındakı 9,97 mln. barel/gün səviyyəsində qalacaq.

    Xatırladaq ki, ötən həftə ABŞ-da neft hasilatı tarixi rekord səviyyə - 9,707 mln. barel/gün təşkil edib. 

    "Report"un analitik qrupu neftin qiymətinin 50 dollar/bareldən aşağı düşməməsi durumunda, ABŞ-ın neft hasilatını artırmağa davam edəcəyi qənaətindədir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi