Gələn həftədən məktəbəhazırlıq qruplarına sənəd qəbulu başlayır

Gələn həftədən məktəbəhazırlıq qruplarına sənəd qəbulu başlayır Uşaqlar dövlət hesabına məktəbəhazırlıq təhsilinə cəlb ediləcək
Elm və təhsil
9 Avqust , 2016 15:23
Gələn həftədən məktəbəhazırlıq qruplarına sənəd qəbulu başlayır

Bakı. 9 avqust. REPORT.AZ/ 2016-2017-ci tədris ilindən ümumtəhsil məktəblərində 5 yaşlı uşaqların dövlət hesabına məktəbəhazırlıq təhsilinə başlanılacaq.

“Report”un məlumatına görə, təhsil naziri Mikayıl Cabbarov bununla bağlı əmr imzalayıb. 

“Azərbaycan Respublikası Nazirlər Kabinetinin 2016-cı il 11 iyul tarixli 271 nömrəli qərarının icrası barədə” əmrə əsasən, yeni tədris ilindən məktəbəhazırlıq təhsilinə cəlb olunacaq 5 yaşlı uşaqların adlı siyahısı hazırlanacaq, ərazilər üzrə məktəbəhazırlıq təhsili təşkil ediləcək məktəblər və müəllimlər müəyyənləşdiriləcək.

Həmçinin, məktəbəhazırlıq qrupları yaradılacaq ümumtəhsil məktəblərində lazımi təlim şəraitinin təmin olunması istiqamətində tədbirlər görüləcək, məktəbəhazırlıq təhsilini aparacaq müəllimlər üçün təsdiq olunmuş tədris planı və proqrama uyğun öyrədici təlimlər keçiriləcək.

Əmrlə Naxçıvan Muxtar Respublikasının Təhsil Nazirliyinə, Bakı Şəhəri üzrə Təhsil İdarəsinə, Gəncə Şəhər Təhsil İdarəsinə, rayon (şəhər) təhsil şöbələrinə tapşırılıb ki, məktəbəhazırlıq qruplarına sənəd qəbulunun avqustun 15-dən sentyabrın sonunadək aparılmasını nəzərdə tutsunlar.

Son xəbərlər

Orphus sistemi