Yuxarı
    Bağlamaq

    “Xocalısız 25 il” mövzusunda müsabiqə başlayıb

    Müsabiqənin birinci mərhələsi fevralın 1-dən 20-nə qədər ümumi təhsil müəssisələrində həyata keçiriləcək

    Bakı. 1 fevral. REPORT.AZ/ Xocalı faciəsinin 25-ci ildönümü ilə əlaqədar Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil məktəblərinin şagirdləri və məktəbdənkənar təhsil müəssisələrinin dərnək üzvləri arasında “Xocalısız 25 il” mövzusunda rəsm-sərgi müsabiqəsi keçirilir.

    İdarədən “Report”a verilən məlumata görə, müsabiqənin əsas məqsədi Xocalı soyqırımı qurbanlarını yad etmək, böyüməkdə olan nəslə Azərbaycan tarixi haqqında həqiqətləri çatdırmaq, doğma Vətənə sevgi, məhəbbət hissləri aşılamaq, məktəblilər arasında milli vətənpərvərlik ruhunu yüksəltmək və istedadlı şagirdləri aşkara çıxarmaqdan ibarətdir.

    Müsabiqə 3 yaş qrupu üzrə-6-9, 10-14 və 15-18 yaşlı uşaq və gənclər arasında keçirilir.

    Müsabiqənin birinci mərhələsi fevralın 1-dən 20-nə qədər ümumi təhsil müəssisələrində həyata keçiriləcək. İlk mərhələdə fərqlənən rəsmlərin müəllifləri müsabiqənin ikinci - Bakı şəhər mərhələsində iştirak etmək hüququ qazanacaqlar. Müsabiqənin şəhər mərhələsində hər yaş qrupu üzrə 3 qalib seçiləcək.

    Qaliblər müəyyənləşdirilərkən rəsmin verilmiş mövzuya uyğunluğu, orijinallığı, yaradıcılıq üslubu, işin görülmə keyfiyyəti nəzərə alınacaq.

    Müsabiqənin qalibləri Bakı Şəhəri üzrə Təhsil İdarəsi tərəfindən diplom və hədiyyələrlə mükafatlandırılacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi