Yuxarı
    Bağlamaq

    TQDK nəzarətçi-müəllimlər üçün treninqlərə başlayır

    Treninqlərə respublikanın 80 şəhər və rayonundan 15 minə yaxın müəllim cəlb olunacaq

    Bakı. 21 yanvar. REPORT.AZ/ Tələbə Qəbulu üzrə Dövlət Komissiyası (TQDK) cari ildə keçiriləcək imtahanlarda nəzarətçi kimi iştirak edəcək müəllimlər üçün treninqlər keçirəcək. "Report" xəbər verir ki, bu barədə TQDK-nın yaydığı məlumatda bildirilir.

    Treninqlərə respublikanın 80 şəhər və rayonundan 15 minə yaxın müəllim cəlb olunacaq. Yanvarın 26-dan martın 5-dək aparılacaq treninqlərdə məqsəd nəzarətçi-müəllimləri test imtahanlarının texnologiyası ilə tanış etmək, imtahanları təlimata uyğun keçirməyə hazırlamaqdır.

    Treninqlər Bakı və Sumqayıt şəhərlərində TQDK Mərkəzi Aparatının, digər şəhər və rayonlarda isə komissiyanın regional bölmələrinin məsul əməkdaşları tərəfindən aparılacaq.

    İmtahan prosedurlarının daha səmərəli izahını təmin etmək üçün treninqlərin 25-30 nəfərlik qruplarla aparılması nəzərdə tutulub. Bu zaman real imtahanda tətbiq edilən sənədlər və vəsaitlərdən istifadə olunacaq, Komissiya tərəfindən hazırlanmış imtahan texnologiyasına aid film nümayiş etdiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi