TQDK əvvəlki illərin məzunları üçün keçirilən qəbul imtahanı ilə bağlı Apellyasiya Komissiyası yaradıb

Bakı. 16 may. REPORT.AZ/ Tələbə Qəbulu üzrə Dövlət Komissiyasının (TQDK) mayın 15-də II və III ixtisas qrupları üzrə əvvəlki illərin məzunları üçün keçirilən qəbul imtahanında istifadə olunan test tapşırıqlarının məzmunu ilə əlaqədar abituriyentlərin müraciətlərinə baxılması üçün Apellyasiya Komissiyası yaradılıb.

Bu barədə "Report"a TQDK-dan məlumat verilib.

Apellyasiya Komissiyası Bakı şəhəri, Abdulvahab Salamzadə küçəsi, 28 ünvanında (Bakı Asiya Universitetinin binasında) fəaliyyət göstərir.

Abituriyentlər Apellyasiya Komissiyasına bu gün saat 10:00dan 17:00-dək şəxsiyyəti təsdiq edən sənədin əslini təqdim etməklə müraciət edə bilərlər.

Xatırladaq ki, TQDK-nın saytında və sosial şəbəkədəki səhifəsində sual kitabçaları və imtahanda istifadə olunan test tapşırıqlarının izahı yerləşdiriləcək.