Yuxarı

Təhsil naziri Avropa Olimpiadasının tarixində ən gənc qalib olan məktəbli ilə görüşüb

Təhsil naziri Avropa Olimpiadasının tarixində ən gənc qalib olan məktə

Təhsil naziri Ceyhun Bayramov 8-ci Avropa Qızlar Riyaziyyat Olimpiadasının tarixində ən gənc qalib olan Bakı şəhəri 257 nömrəli tam orta məktəbin VII sinif şagirdi Fidan Qarayeva ilə görüşüb.

Təhsil Nazirliyindən "Report"a verilən məlumata görə, C.Bayramov 13 yaşlı qalibi qazandığı uğur münasibəti ilə təbrik edib.

Nazir qeyd edib ki, Bakı məktəblisinin öz adını Avropa Qızlar Riyaziyyat Olimpiadasının tarixinə ən gənc qalib kimi yazması ölkəmiz üçün qürurvericidir. Bu münasibətlə olimpiada qalibini bir daha təbrik edən Təhsil naziri onun dərsləri, eləcə də olimpiada hazırlığı ilə maraqlanıb.

F.Qarayeva Təhsil nazirinə təşəkkürünü bildirib və gələcək arzularından danışıb. 

O qeyd edib ki, gələcəkdə də beynəlxalq bilik yarışmalarında ölkəmizi layiqincə təmsil etməyə çalışacaq.

Görüşdə olimpiada qalibinə hədiyyələr təqdim edilib, həmçinin xatirə fotosu çəkilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi