Yuxarı

Peşə təhsili müəssisələrində hərbi hazırlıq fənni üzrə dərs saatları azaldılıb

Təhsil müəssisələrində hərbi hazırlıq üzrə dərs saatları azaldılıb

Bakı. 22 dekabr. REPORT.AZ/ Nazirlər Kabineti “Gənclərin ibtidai hərbi hazırlıq Əsasnaməsi”ndə dəyişiklik edib.

“Report” xəbər verir ki, Baş nazir Novruz Məmmədovun imzaladığı qərara əsasən, texniki peşə təhsili müəssisələrində ibtidai hərbi hazırlıq (İHH) fənni üzrə dərs saatları azaldılıb.

Qərara görə, ümumi təhsil və orta ixtisas təhsili müəssisələrində İHH fənninin tədrisinə 140 saat vaxt ayrılacaq. Peşə təhsili müəssisələrində ümumi orta təhsil bazasından qəbul olunmuş təhsil alanlar üçün təşkil edilən qruplarda İHH fənninin tədrisinə aşağıdakı miqdarda dərs saatları ayrılacaq:

- təhsil müddəti 1 il olan ilk peşə təhsili alanlara - 40 saat;

- təhsil müddəti 2 il olan texniki peşə təhsili alanlara - 80 saat;

- təhsil müddəti 3 il olan texniki peşə təhsili alanlara - 124 saat;

- təhsil müddəti 4 il olan yüksək texniki peşə təhsili alanlara - 140 saat.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi