Yuxarı
    Bağlamaq

    ​Rusiyalı tələbələr BSU-da Azərbaycan dilini öyrənəcəklər

    Tələbələr iyunun 25-dək davam edən yay məktəbində iştirak edəcəklər

    Bakı. 14 iyun. REPORT.AZ/ Rusiya Dövlət Humanitar Universitetinin Beynəlxalq münasibətlər və xarici regionşünaslıq fakültəsinin bir qrup tələbəsi Bakı Slavyan Universitetinin (BSU) yay məktəbində staj keçmək üçün Bakıya gəlib.

    Bu barədə “Report”a BSU-nun mətbuat xidmətindən bildirilib.

    İyunun 11-dən 25-ə qədər keçiləcək yay məktəbi üçün nəzərdə tutulan proqrama əsasən rusiyalı tələbələrə praktik Azərbaycan dili dərsləri keçiriləcək. Bununla yanaşı, BSU-nun aparıcı professor və dosentləri tərəfindən “Azərbaycan beynəlxalq terrorizmə qarşı mübarizədə”, “Müasir Azərbaycan ədəbiyyatı”, “Azərbaycan beynəlxalq münasibətlər sistemində”. “Azərbaycanda dini tolerantlıq”, “Azərbaycanın ictimai fikir tarixi”, “Azərbaycan multikulturalizmi”, “Azərbaycan mədəniyyəti” mövzularında mühazirələr oxunacaq.

    Proqramda gənclərin Bakının tarixi və mədəni yerləri ilə tanışılığı da nəzərdə tutulub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi