Yuxarı
    Bağlamaq

    Dilçilik İnstitutu: "Dil pozuntularının bir qismi sözlərin sırasının pozulması ilə bağlıdır"

    Televiziya jurnalistləri üçün treninqlər keçiriləcək
    © Report.az

    Bakı. 30 may. REPORT.AZ/ "Dil pozuntularının bir qismi sözlərin sırasının pozulması ilə bağlıdır".

    "Report" xəbər verir ki, bunu Dilçilik İnstitutunun direktoru Möhsüm Nağısoylu "Telekanalların dil mənzərəsi" mövzusunda keçirilən mətbuat konfransında deyib.
    O bildirib ki, sözlərin yazılışı ilə bağlı pozuntulara da tez-tez rast gəlinir: "Dil pozuntularının qarşısını almaq üçün ilk olaraq məsuliyyətli və peşəkar olmaq, ana dilini sevmək və qorumaq lazımdır. Dil xalqın mənəvi sərvətidir, sərvəti isə qorumaq lazımdır".
    İnstitutun Monitorinq şöbəsinin müdiri Sevinc Əliyeva bildirib ki, hazırda əvvəllər çox rast gəlinən bir sıra çatışmazlıqlar artıq aradan götürülüb: "Hazırda başqa dillərdən lüzumsuz sözlərin dilimizə gəlməsi, türk intonasiyasında tələffüzün formalaşması böyük problemlərdəndir".
    Şöbə müdirinin sözlərinə görə, institutun monitoriqlər aparılmasında məqsədi Azərbaycan dilinə xidmət etməkdir: "Bizim məqsədimiz hər hansı aparıcının səhvini tutmaq deyil".
    S.Əliyeva qeyd edib ki, bu monitorinqdən sonra yenidən televiziya jurnalistləri üçün treninqlər keçiriləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi