Yuxarı
    Bağlamaq

    BŞTİ: Mövsümlə əlaqəli şagirdlər arasında kütləvi xəstələnmə qeydə alınmayıb

    Pedaqoji kollektivə şagirdlərin səhhəti ilə bağlı məsələlərdə daha diqqətli olmaları tövsiyə edilib

    Bakı. 4 noyabr. REPORT.AZ/ “Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil məktəblərindən şagirdlərin kütləvi xəstələnməsi barədə məlumat daxil olmayıb”.

    Bu barədə “Report”un sorğusuna cavab olaraq təhsil idarəsindən bildirilib.

    “Eyni zamanda, məktəblərdə tibb otaqları zəruri avadanlıqlarla təchiz edilib, pedaqoji kollektivə şagirdlərin səhhəti ilə bağlı məsələlərdə daha diqqətli olmaları tövsiyə edilib”, - idarədən əlavə olunub.

    Qeyd edək ki, Bakı Şəhər Dezinfeksiya Stansiyası ümumtəhsil və məktəbəqədər təhsil müəssisələrində, eləcə də qaçqın və məcburi köçkünlərin sıx məskunlaşdığı yerlər və əhalinin digər kütləvi toplaşdığı ərazilərdə qrip və kəskin respirator virusa qarşı kütləvi dezinfeksiya tədbirlərinə başlayıb.

    Payız-qış mövsümündə uşaqlar arasında kəskin respirator virus infeksiyalarının yayılması halları müşahidə olunur. Bu infeksiyalar adətən məktəb yaşlı uşaqlar arasında daha çox müşahidə edilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi