Yuxarı
    Bağlamaq

    BANM-ın müəllimi “Tərəqqi” medalı ilə təltif edilib

    Bakı. 7 mart. REPORT.AZ/ Bakı Ali Neft Məktəbinin (BANM) müəllimi, Neft-qaz mühəndisliyi kafedrasının dosenti Xanum Cəfərova dövlət başçısının martın 6-da imzaladığı sərəncamla “Tərəqqi” medalı ilə təltif edilib.

    Ali Məktəbdən "Report"a verilən məlumata görə, BANM-ın rektoru Elmar Qasımov Neft-qaz mühəndisliyi kafedrasının dosenti Xanum Cəfərova ilə görüşərək onu ürəkdən təbrik edib, ona gələcək fəaliyyətində uğurlar diləyib və daha yüksək uğurlar qazanmağı arzu edib.

    Qeyd edək ki, X.Cəfərova 20-dən çox elmi işin və ingilis dilində təhsil alan tələbələr üçün “Mathematics-1” (“Riyaziyyat-1”) adlı dərs vəsaitinin müəllifidir. Bundan əvvəl SOCAR-ın prezidenti Rövnəq Abdullayev tərəfindən Fəxri fərmanla təltif olunub. X.Cəfərovaya həmçinin pedaqoji fəaliyyətinə görə Təhsil Nazirliyi tərəfindən də Fəxri fərman verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi