Yuxarı
    Bağlamaq

    Bakı Ali Neft Məktəbinin 20 tələbəsi Türkiyədə "Petkim" və STAR-da təcrübə keçir

    Onlar iki ay ərzində yay istehsalat təcrübəsi keçmək hüququ qazanıblar

    Bakı. 24 iyul. REPORT.AZ/ Bakı Ali Neft Məktəbinin (BANM) “Kimya mühəndisliyi”, “Neft-qaz mühəndisliyi” və “Proseslərin avtomatlaşdırılması mühəndisliyi” ixtisası üzrə 3-cü və 4-cü kurslarda təhsil alan 20 tələbə SOCAR Türkiyə şirkətinin müəssisələrində istehsalat təcrübəsi keçir. 

    BANM-dən "Report"a verilən məlumata görə, Ali Məktəbin 16 tələbəsi "Petkim"də, 2 tələbəsi STAR-da və 2 tələbəsi "SOCAR Turkey Energy"də iki ay ərzində yay istehsalat təcrübəsi keçmək hüququ qazanıb.

    "SOCAR Turkey Energy"nin müəssisələrində təcrübə keçərək tələbələr istehsalat prosesi, tikinti-quraşdırma və tamamlama işləri, hazırda fəaliyyət göstərən müxtəlif təyinatlı texnoloji qurğuların işi ilə yaxından tanış olurlar. Onlar hər bir qurğunun avadanlığı, orada gedən texnoloji prosesləri, texnoloji reqlamentləri, qurğuların nəzarət və idarəetmə sistemlərinin işini və istehsalat proseslərində sağlamlıq, təhlükəsizlik və ətraf mühitin mühafizəsi tədbirlərinin tətbiqi üsullarını öyrənirlər.

    Qeyd edək ki, tələbələrin tədris zamanı əldə etdikləri nəzəri biliklərin zənginləşdirilməsi məqsədi ilə hər il BANM-in tələbələri SOCAR-ın bütün idarə və istehsalat müəssisələrinə, Azərbaycanda fəaliyyət göstərən beynəlxalq şirkətlərə istehsalat təcrübəsinə göndərilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi