Yuxarı
    Bağlamaq

    AMEA: Yüksək Texnologiyalar Parkında rəqabətqabiliyyətli məhsullar istehsal edilir

    Akif Əlizadə həyata keçirilən yeniliklərlə tanış olmaq məqsədilə “YT Park”da olub© www.science.gov.az

    Bakı. 25 aprel. REPORT.AZ/ Azərbaycan Milli Elmlər Akademiyasının (AMEA) prezidenti, akademik Akif Əlizadə həyata keçirilən yeniliklərlə tanış olmaq məqsədilə Yüksək Texnologiyalar Parkında (“YT Park”) olub.

    Bu barədə "Report"a AMEA-nın mətbuat xidmətindən məlumat verilib.

    Akif Əlizadə müasir tələblərə cavab verən məhsulların istehsal şəraitinə və hərbi təyinatlı layihələri həyata keçirmək üçün yaradılan laboratoriyalara baxış keçirib. Yüksək Texnologiyalar Parkında elmin kommersiyalaşdırılması istiqamətində mühüm işlər görülür, rəqabətqabiliyyətli məhsullar istehsal edilir.

    Akademik Akif Əlizadə tədqiqat nəticələrinin yüksək elmtutumlu texnologiyalara transferi və hərbi təyinatlı yüksək texnologiyaların işlənilməsi istiqamətində “YT Park”ın fəliyyətini uğurlu nəticə kimi qiymətləndirib.
    Görüşdə AMEA-nın vitse-prezidentləri, akademik İbrahim Quliyev, akademik Dilqəm Tağıyev, İşlər İdarəsinin rəisi, siyasi elmlər üzrə fəlsəfə doktoru Fətəli Abdullayev, Yüksək Texnologiyalar Parkının direktoru, aqrar elmlər üzrə fəlsəfə doktoru Vüqar Babayev, Elm və Təhsil İdarəsinin rəisi, texnika üzrə elmlər doktoru Əminağa Sadıqov, İctimaiyyətlə Əlaqələr və Elmin Populyarlaşması idarəsinin rəisi Zülfüqar Fərzəliyev və digərləri iştirak ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi