Yuxarı
    Bağlamaq

    AMEA-nın bir neçə institutunun yeni direktorları vəzifələrinə təsdiq olunublar

    AMEA-nın müxbir üzvü Möhsün Nağısoylu Nəsimi adına Dilçilik İnstitutunun direktoru vəzifəsinə təsdiqlənib

    Bakı. 29 iyun. REPORT.AZ/ Azərbaycan Milli Elmlər Akademiyasının (AMEA) bir neçə institutunun yeni direktorları vəzifələrinə təsdiq olunublar.

    "Report" xəbər verir ki, bununla bağlı qərar AMEA Rəyasət Heyətinin Şamaxı Astrofizika Rəsədxanasında təşkil olunan səyyar iclasında qəbul edilib.

    Rəyasət Heyəti institutlarda keçirilən seçkilərin nəticələrini təsdiqləyib. Akademik İbrahim Quliyev Neft və Qaz İnstitutunun, akademik İradə Hüseynova Molekulyar Biologiya və Biotexnologiya İnstitutunun, AMEA-nın müxbir üzvü Namiq Cəlilov Şamaxı Astrofizika Rəsədxanasının, AMEA-nın müxbir üzvü Zeynal Əkpərov Genetik Ehtiyatlar İnstitutunun, AMEA-nın müxbir üzvü Ərtegin Salamzadə Memarlıq və İncəsənət İnstitutunun, AMEA-nın müxbir üzvü Möhsün Nağısoylu Nəsimi adına Dilçilik İnstitutunun, AMEA-nın müxbir üzvü Yaqub Mahmudov Tarix İnstitutunun, fizika-riyaziyyat üzrə elmlər doktoru Oqtay Səmədov Radiasiya Problemləri İnstitutunun, fizika-riyaziyyat üzrə fəlsəfə doktoru Elman Yusifov Zoologiya İnstitutunun, aqrar elmlər üzrə elmlər doktoru Əlövsət Quliyev Torpaqşünaslıq və Aqrokimya İnstitutunun, tarix üzrə elmlər doktoru Musa Qasımlı Qafqazşünaslıq İnstitutunun, tarix üzrə elmlər doktoru Məryəm Seyidbəyli isə AMEA-nın Elm Tarixi İnstitutunun direktoru vəzifəsinə təsdiq ediliblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi