Yuxarı

Akif Əlizadə: "Elmin İnkişafı Fondu bundan sonra kiçik elmi layihələrə qrant vəsaiti ayırmayacaq"

Fond bundan sonra xırda-xırda işlərə görə elan verməyəcək

Bakı. 17 dekabr. REPORT.AZ/ "Azərbaycan Prezidenti yanında Elmin İnkişafı Fondu bundan sonra kiçik elmi layihələrə qrant vəsaiti ayırmayacaq". "Report" xəbər verir ki, bunu AMEA prezidenti Akif Әlizadə akademiyanın Direktorlar Şurasının bu gün keçirilən iclasında deyib.

Akademik deyib ki, artıq məsələ ilə bağlı Fondun icraçı direktoru Elçin Babayevlə danışıqlar aparılıb: "Fond bundan sonra xırda-xırda işlərə görə elan verməyəcək. Artıq 4 ildir pullar gedir. Düzdür, xeyri var, amma lazımi effekti almamışıq. Bizə başqa mənbədən pul gəlmir. Hətta biznes sahəsindən gəlir əldə edə bilmirik. Ona görə də büdcə pulunu da belə israfçılıqla xərcləməklə qabağa gedə bilmirik".

Onun sözlərinə görə, dünya elminin arxada gedən hissəsindən deyil, qabaqda gedən hissəsindən tutmalı və büdcədən elmə ayrılan vəsait elə xərclənməlidir ki, həmin maliyyə sırf elmin inkişafına sərf edilsin".

Prezidentin fikrincə, Azərbaycan elminin yenilikləri akademiyanın bankında yerləşdirilməlidir ki, xarici şirkətlər bu yeniliklərlə maraqlana bilsinlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi