Təhsil Nazirliyi: "8 mart"da şagirdlərdən pul yığılmayacaq

Bakı. 5 mart. REPORT.AZ/ "Ümumi təhsil müəssisələrində şagirdlərdən hər hansı bir vəsaitin tələb olunması qəti qadağandır". Bu barədə "Report"un sorğusuna cavab olaraq Təhsil Nazirliyi 8 mart - Beynəlxalq Qadınlar Günü münasibəti ilə məktəblərdə şağirdlərdən pul yığılması məsələsinə aydınlıq gətirərkən bildirilib.

"Əgər belə fakt olsa, vətəndaşlardan Təhsil Nazirliyinin 146 saylı "Qaynar xətt" xidmətinə anonim olmadan müraciət edilməsi tövsiyə olunur", - nazirlikdən bildirilib.