Rektor universitetin tələbə yataqxanası ilə bağlı durumuna münasibət bildirib

"Azərbaycan Memarlıq və İnşaat Universitetinin (AzMİU) tələbə yataqxanasını bərpa etməyə vəsaiti yoxdur".

"Report" xəbər verir ki, bunu AzMİU-nun rektoru Gülçöhrə Məmmədova deyib.

Rektor bildirib ki, yataqxana məsələsi problemdir: "Universitetin yataqxanasında indiyə qədər məcburi köçkünlər yaşayıb. İndi onlar orada yaşamasalar da, hazırda bizim tələbə yataqxanasını təmir etməyə imkanımız yoxdur".

G.Məmmədova əlavə edib ki, hazırda yataqxanaların əsaslı təmir olunması və tələbələrin istifadəsinə verilməsi üçün Elm və Təhsil Nazirliyi ilə birlikdə çıxış yolları axtarılır.