Ramiz Mehdiyev AMEA-dakı nöqsanları açıqladı

"Azərbaycan Milli Elmlər Akademiyasında (AMEA) ciddi struktur islahatlarının aparılmasına ehtiyac var".

“Report” xəbər verir ki, bunu AMEA-nın prezidenti, akademik Ramiz Mehdiyev akademiyanın Rəyasət Heyətinin növbəti iclasında deyib.

O, akademiyanın elmi müəssisə və təşkilatlarının idarəçilik sistemində çatışmazlıqların olduğunu, bəzi hallarda subardinasiya qaydalarının gözlənilmədiyini bildirib.

R.Mehdiyev akademiyada yeni yaradılan yoxlama komissiyasının müəssisələrdəki mövcud çatışmazlıqları aşkarlamaq baxımından önəmli olduğunu deyib, akademiyanın gələcək fəaliyyətinin müəyyənləşdirilməsinə öz töhfəsini verəcəyini söyləyib.