Peşə təhsili üzrə axşam qruplarına ilk dəfə qəbul keçiriləcək

‌"Bu il ilk dəfə peşə təhsili üzrə axşam qruplarına qəbul həyata keçiriləcək".

‌"Report" xəbər verir ki, bunu Peşə Təhsili üzrə Dövlət Agentliyinin direktor müavini, direktor vəzifələrini müvəqqəti icra edən Ceyhun Kərəmov deyib.

‌Onun sözlərinə görə, həmin qruplara 920 plan yeri ayırılıb: "Peşə təhsili üzrə yeni ixtisaslar da var, bu il üçün 5 yeni ixtisasa qəbul aparılacaq. Yeni ixtisaslar bazarın tələblərinə uyğun olaraq informasiya, kommunikasiya istiqamətlərində olacaq".