Nəcibə Əliyeva: Qarabağ Universitetinin ilk tələbələrindən biri olduğum üçün özümü şanslı hiss edirəm

Bu gün özümü çox şanslı hesab edirəm ki, Qarabağ Universitetinin ilk tələbələrindənəm.

Bunu “Report”un Xankəndi şəhərinə ezam olunmuş əməkdaşına açıqlamasında Qarabağ Universitetinin tələbəsi Nəcibə Əliyeva deyib.

N.Əliyeva bildirib ki, 561 balla Qarabağ Universitetində ingilis dili müəllimi ixtisasına qəbul olub:

“Bu gün universitetdə təhsil almağa başladıq. Təhsil ocağında bizim üçün hər cür şərait var. Həmçinin universitetin yataqxanası genişdir, bu da bizim üçün geniş üstünlük yaradır. Qrup yoldaşlarımızla daha çox vaxt keçiririk. Hər gün bir yerdə universitetə gedib-gəlirik, fikir mübadiləsi aparırıq. Otaqda hər birimizə məxsus yataq və masa var”.