Nazir: "​​​​​​​Olimpiada qaliblərinin qəbul imtahanlarında topladıqları bal adətən 650-dən çox olur"

"Olimpiada qaliblərinin qəbul imtahanlarında topladıqları bal adətən 650-dən çox olur".

"Report" xəbər verir ki, bunu elm və təhsil naziri Emin Əmrullayev respublika fənn olimpiadaları qaliblərinin mükafatlandırılması mərasimində çıxışı zamanı deyib.

O qeyd edib ki, vaxtilə beynəlxalq olimpiada qaliblərinin müsabiqədənkənar ali məktəbə qəbulunun sui-istifadələrə gətirib çıxaracağı iddia edilirdi.

Nazir bildirib ki, adətən olimpiada qalibləri ali məktəblərə qəbul imtahanlarında da iştirak edir:

"Onların imtahanda topladıqları orta bal 650-nin üzərində olur. Olimpiadadan əldə edilən ən vacib nüans prosesin şəffaf keçirilməsidir".