Nazir: "Bu il peşə təhsilinə qəbul olunanların sayı 27% artıb"

"Azərbaycanın 35 məktəbində peşə təmayüllü siniflərin yaradılması istiqamətində iş aparılır. Yaxın gələcəkdə belə məktəblərin sayını 50-yə çatdırmağı planlaşdırırıq".

"Report" xəbər verir ki, bunu təhsil naziri Emin Əmrullayev deyib.

O qeyd edib ki, hazırda peşə təhsilinə qəbul prosesi elektron formada aparılır: "İldən-ilə peşə məktəblərinə qəbul sayı artmaqdadır. Belə ki, bu il ötən ilə nisbətdə 27 %-dən artıq tələbə peşə təhsilinə qəbul olub".