Nazir: “Bu il 100 mindən çox uşaq “STEAM” məşğələlərinə cəlb ediləcək"

"Vətən müharibəsi dövründə Ermənistanın təcavüzü nəticəsində 6 məktəb daha əsaslı zədə aldığından onların bərpası mümkün olmadı. Onların yenidən qurulması və yaxud yenidən tikilməsi ilə bağlı işlərə başlanılıb. Növbəti tədris ilinə onların və Gəncədə bir məktəbin tamamilə yenidən bərpası bitəcək".

“Report” xəbər verir ki, bunu təhsil naziri Emin Əmrullayev Gəncə şəhərinə səfəri zamanı jurnalistlərə açıqlamasında deyib.

“Bu il 100 mindən çox uşaq “STEAM” məşğələlərinə cəlb ediləcək. Ölkədə 15 müxtəlif bölgəsində “STEAM” mərkəzləri qurulur”, - o bildirib.