Müəllimlərin işə qəbulu üzrə müsabiqəyə çıxarılacaq vakant yerlərin sayı açıqlanıb

“Müəllimlərin işə qəbulu (MİQ) müsabiqəsinə hər il təxminən 8000-ə yaxın, bəzən isə daha çox vakant yer çıxarılırdı. Ümid edək ki, bu il də həmin ənənə təkrarlanacaq. Bəlkə də rəqəm daha da artacaq”.

“Report” xəbər verir ki, bunu Təhsil İnstitutunun İnsan Resursları Mərkəzinin direktoru Nurlan İsmayılbəyli “Təhsil masası”nda deyib.

O bildirib ki, daha çox musiqi, təsviri incəsənət, kimya və ehtiyac olan digər fənnlər üzrə vakant yerlər təklif ediləcək: “Bakı və digər rayonlar üzrə vakant yerlər barədə hələlik dəqiq nəsə demək mümkün deyil. Hələ vaxta var, iş yerindən çıxan müəllimlər də ola bilər, yaxud da yaş həddi ilə bağlı işdən ayrılma da ola bilər. Bir həftə öncədən imtahan yeri, tarixi və saatı barədə namizədlərə məlumat veriləcək”.