Bakı. 5 noyabr. REPORT.AZ/ Misir Mədəniyyət Mərkəzinin müdiri Əhməd Sami Elaydi Azərbaycan Milli Kitabxanasının direktoru, professor Kərim Tahirovla görüş keçirib.
Misir Mədəniyyət Mərkəzindən "Report"a verilən məlumata görə, görüş zamanı Azərbaycan-Misir mədəni əlaqələri, hər iki ölkənin milli kitabxanaları arasında qarşılıqlı əməkdaşlıq məsələləri müzakirə olunub.
Azərbaycan və Misirin Milli Kitabxanaları arasında əlaqələrin və qarşılıqlı əməkdaşlığın daha da genişləndirilməsi üçün birgə tədbirlərin keçirilməsi və Milli Kitabxana üçün lazımlı kitabların Misirdən gətirilməsinin mümkünlüyü barədə müzakirələr aparılıb.