Bakı. 7 sentyabr. REPORT.AZ/ Avropa İttifaqının gələcəkdə Azərbaycana göstərəcəyi yardım sahəsində təhsil prioritet sektordur. Avropa İttifaqının Azərbaycandakı nümayəndəliyindən "Report"a verilən məlumata, bu barədə Aİ-nin nümayəndəliyin rəhbəri, səfir Malena Mard məqaləsində qeyd edib.
Onun sözlərinə görə, universitetlərdə və peşə təhsili və təlimi məktəblərində islahat aparmaq, onları Avropa standartlarına və təcrübələrinə daha da yaxınlaşdırmaq üçün növbəti illərdə 19 milyon avrodan artıq vəsait ayrılacaq: "Müasirləşdirilmiş universitet və peşə təhsili məktəbləri əmək bazarının artan ehtiyaclarını ödəmək üçün daha yaxşı təhsil imkanları, bilik və ixtisas təmin edə bilər".
Eyni zamanda, səfir yazıb ki, bu yardım təhsil sektorunda Aİ-nin digər təşəbbüslərini tamamlayaraq, onlara əsaslanacaq: "Məsələn, Avropa Komissiyasının
M.Mard sonda qeyd edib ki, şagirdlər yeni dərs ilinin başlamasını səbirsizliklə gözlədiyi kimi, o da Azərbaycanda təhsil islahatlarının dəstəklənməsi istiqamətində ölkədəki həmkarlarla əməkdaşlıq etməyə can atır.