Bakıda lisey də COVID-19-a görə ikihəftəlik bağlanır

Bakıda daha bir təhsil müəssisəsi koronavirus səbəbindən distant təhsilə keçir.

“Report”un əldə etdiyi məlumata görə, İ.Hacıyev adına "Tərəqqi" texniki-humanitar liseyində oxuyan şagirdlərin valideynlərinə bununla bağlı məlumat verilib.

Liseyin direktoru Nasim Abışov isə “Report”a açıqlamasında təhsil ocağında yoluxma faktlarının olduğunu təsdiqləyib: “Hazırda Gigiyena və Epidemiologiya Mərkəzinin karantin müddətinin verilməsi ilə bağlı rəyi gözlənilir”.