Bakı 16° C
https://static.report.az/photo/996146aa-af7a-48ca-8b34-2d0a075a6bc6.jpg
Dövlət İmtahan Mərkəzi ümumi (9 illik) və tam (11 illik) orta təhsil səviyyəsi üzrə 24 və 25 iyunda keçirəcəyi buraxılış (qəbul) imtahanlarının qrafikini elan edib.
Mərkəzdən "Report"a verilən məlumata görə, rayon və şəhərlər, imtahanda iştirak etməli olan şəxslər və imtahanların növləri ilə qrafikdə tanış ola bilərsiniz
Digər şəhər və rayonlar üzrə imtahanlar (o cümlədən əvvəlki illərin məzunları üçün qəbul imtahanları) ictimaiyyətə əvvəlcədən məlumat verilməklə növbəti həftə içi günlərində keçiriləcək.
"İmtahana buraxılış vərəqəsi" hər imtahan günündən 5 gün əvvəl DİM-in saytında yerləşdiriləcək.
Xatırladaq ki, Naxçıvan – Bakı aviareysləri bərpa olunsa da, xüsusi karantin rejimindən əvvəl Naxçıvana gedərək orada qalan və yaranmış vəziyyətlə əlaqədar DİM-ə müraciət edən şəxslərin nəzərinə çatdırırıq ki, onlar üçün imtahan növbəti həftə içi günlərində Naxçıvanda təşkil olunacaqdır. Həmin şəxslər Bakıya dönməməli və Naxçıvanda qalmalıdırlar.
Xatırladaq ki, 24, 25 iyun tarixlərində şəhər və rayonlara uyğun:
|
Tarix/İmtahan* |
24.06.2020 |
25.06.2020 |
|
11-ci sinif cari ilin məzunları üçün buraxılış imtahanı |
Nizami (Bakı) Nəsimi (Bakı) Sumqayıt (II hissə siyahı) Zaqatala Qax İsmayıllı Ucar Xaçmaz Siyəzən Xızı |
Sabunçu (Bakı) Səbail (Bakı) Abşeron (II hissə siyahı) Balakən Oğuz Şamaxı Zərdab Quba |
|
Azərbaycan dili (dövlət dili) imtahanı - Azərbaycan dilindən fərqli dildə təhsil alan 11-ci sinif cari ilin məzunları üçün |
Binəqədi (Bakı) Suraxanı (Bakı) Gəncə/Kəpəz Sabirabad Qazax Cəlilabad Lənkəran Yevlax Xüsusi məktəblər (Bakı)* |
Yasamal (Bakı) Xəzər (Bakı) Gəncə/Nizami İmişli Ağstafa Masallı Astara Bərdə Biləsuvar |
| 9-cu sinif cari ilin məzunları üçün buraxılış imtahanı | Gəncə/Kəpəz Sabirabad Qazax Cəlilabad (I hissə siyahı) Lənkəran Yevlax Xüsusi məktəblər (Bakı)* |
Gəncə/Nizami İmişli Ağstafa Masallı (I hissə siyahı) Astara Bərdə (II hissə siyahı) Biləsuvar |
|
01.03.2020-ci il tarixində buraxılış imtahanı vermiş və 9 illik təhsil bazasında kolleclərə sənəd vermiş cari ilin məzunları üçün qəbul imtahanı |
Binəqədi (Bakı) Suraxanı (Bakı) |
Yasamal (Bakı) Xəzər (Bakı) |
|
9 illik təhsil bazasında kolleclərə sənəd vermiş əvvəlki illərin məzunları üçün qəbul imtahanı |
Binəqədi (Bakı) Suraxanı (Bakı) Gəncə/Kəpəz Sabirabad Qazax Lənkəran Yevlax Xüsusi Məktəblər (Bakı)* |
Yasamal (Bakı) Xəzər (Bakı) Gəncə/Nizami İmişli Ağstafa Astara Bərdə Biləsuvar |
|
Azərbaycan dili (dövlət dili) imtahanı – – Azərbaycan dilindən fərqli dildə təhsil alan 9‑cu sinif cari ilin məzunları üçün – 9 illik təhsil bazasında kolleclərə ərizəsini rus bölməsi üzrə təsdiq etmiş əvvəlki illərin məzunları üçün |
Nizami (Bakı) Nəsimi (Bakı) Sumqayıt Zaqatala Qax İsmayıllı Ucar Xaçmaz Siyəzən Xızı |
Sabunçu (Bakı) Səbail (Bakı) Abşeron Balakən Oğuz Şamaxı Zərdab Quba |
Qeyd edək ki, həmişə olduğu kimi cari ilin məzunları bitirdikləri məktəbin yerləşdiyi yerə uyğun rayonda (şəhərdə) imtahan verirlər. Əvvəlki illərin məzunları isə şəxsi kabinetlərində faktiki yaşadıqları ünvanı qeyd etdikləri halda, yaşadıqları ünvanın aid olduğu yerə uyğun, əks halda, şəxsiyyət vəsiqəsində qeyd olunmuş ünvanın aid olduğu yerə uyğun rayonda (şəhərdə) imtahan verirlər.
- Sumqayıt şəhəri və Abşeron rayonunda yerləşən məktəblərin 9 və 11, Bərdə, Cəlilabad, Masallı rayonunda yerləşən məktəblərin isə 9-cu sinif şagirdlərinin ümumi sayı hərəkət intensivliyinin azaldılması məqsədilə iki imtahan gününə bölünüb. Cədvəldə bu hal müvafiq olaraq, hissələrlə adlandırılıb.
- Məcburi köçkün rayonlarının məktəblərində təhsil alan şagirdlər bitirdikləri təhsil müəssisəsinin yerləşdiyi şəhər və rayonların imtahan gününə uyğun tarixlərdə imtahan verirlər.
- Xüsusi məktəblərə (Bakı) – internat məktəbləri, Çilov adasında yerləşən məktəb, cəzaçəkmə müəssisələrində yerləşən məktəblər aiddir.
- İmtahana buraxılış vərəqələri hər imtahan günündən 5 gün əvvəl DİM-in saytında yerləşdiriləcək.
