Fərid Qayıbov: "Hazırda birlikdə çalışdığımız gənclər çox aktivdirlər"

“Bütün dövlət qurumları “Yüksəliş” müsabiqəsi üçün çalışır. Çünki bizə sizin kimi kadrlar lazımdır. Bu, hazırda aktual məsələdir. Hər birimiz mentoruq. “Yüksəliş” müsabiqəsinin bütün mərhələləri maraqlıdır”.

“Report” xəbər verir ki, bunu gənclər və idman naziri Fərid Qayıbov “Yüksəliş” müsabiqəsinin yarımfinal mərhələsində çıxışı zamanı deyib.

O bildirib ki, müsabiqəyə olan inam hər il müraciətçilərin sayındakı artıma təsir edir: “Hazırda birlikdə çalışdığımız gənclər çox aktivdirlər, öyrənmək istəyirlər və hər dəfə özləri üçün yeni nələrsə kəşf edirlər. Artıq siz gənclər dövlət qurumlarının necə işlədiyini, hansı qərarları niyə qəbul etdiyini başa düşürsünüz”.