Fərhad Hacıyev: Dördüncü "Yüksəliş”in əyani mərhələsindəki suallar DİM-in sualları ilə eyni olmayıb

Dördüncü "Yüksəliş” müsabiqəsinin əyani mərhələsindəki sualların Dövlət İmtahan Mərkəzinin keçən ilki toplu test sualları ilə eyni olması doğru informasiya deyil.

Bu fikirləri “Yüksəliş” müsabiqəsinin İşçi Qrupunun rəhbəri Fərhad Hacıyev müsabiqə ilə bağlı keçirilən brifinqdə “Report”un müvafiq sualına cavabında deyib.

Onun sözlərinə görə, bu cür oxşarlıq, yaxud sualların eyni olması sınaq mərhələsində ola bilər:

“Amma əsas imtahan mərhələlərində belə hal olmur”.