Elmi-tədqiqat bölmələrində ştatdankənar işçilərin sayı açıqlanıb

Azərbaycanda bu ilin əvvəlində müxtəlif elmi-texniki xidmətləri həyata keçirən 134 elmi təşkilat və müəssisə fəaliyyət göstərib.

"Report" xəbər verir ki, bu barədə Dövlət Statistika Komitəsi məlumat yayıb.

Bildirilib ki, həmin elm ocaqlarında elmitədqiqat və işləmələrlə 19,5 mindən artıq mütəxəssis məşğul olur, onların da 72 faizi tədqiqatçılardır. Bu mütəxəssislərin 35,2 faizinin elmlər doktoru və ya fəlsəfə doktoru elmi dərəcəsi var.

Bundan əlavə, elmi-tədqiqat bölmələrində ştatda olmayan və ali təhsil müəssisələrində çalışan 9,5 min elmi pedaqoji işçi elmi-tədqiqat bölmələrində tədqiqat və işləmələri yerinə yetirirlər. Onların da yarıdan çoxu elmlər doktoru və ya fəlsəfə doktoru alimlik dərəcəsinə malikdirlər.