Bu ilin başlıca elmi nailiyyəti açıqlandı

Bu ilin başlıca elmi nailiyyəti COVID-19 virusuna qarşı peyvənd dərmanlarının tapılmasıdır.

“Report” xəbər verir ki, “Science” jurnalının yazdığına görə, bu dərmanlar müxtəlif ölkələrdə rekord sürətlə hazırlanaraq sınaqdan keçirilib.

“Elmi güclərin birləşməsi nəticəsində COVID-19 peyvəndi inqilabi sürətlə əldə edildi. Eyni rəqibə qarşı bu qədər sınaq dərmanları bu qədər qısa müddətdə hələ hazırlanmayıb, bu qədər rəqib açıq şəkildəəməkdaşlıq etməyib. Hələ indiyədək hökumətlər, sənayeçilər, elmi dairələr, qeyri-kommersiya təşkilatları eyni yoluxucu xəstəliyə qarşı bu qədər qısa müddət ərzində bu qədər vəsait, səylər, əqli gücü sərf etməyiblər”, – jurnalda qeyd olunur.