Emin Əmrullayev: Bu gün Azərbaycanın 4 mindən artıq məktəbində məzun günü keçirilir

Bu gün Azərbaycanın 4 mindən artıq məktəbində məzun günü keçirilir.

"Report" xəbər verir ki, bunu elm və təhsil naziri Emin Əmrullayev şəhid polkovnik Ramiz Qasımov adına 216 nömrəli məktəbdə “Son zəng” tədbirində çıxış edərkən deyib.

Onun sözlərinə görə, işğaldan azad olunan ərazilərdə də təhsil sahəsində işlər gedir:

"Bu gün Füzulidə, Zəngilanda, Talış kəndində və Laçının iki məktəbində məzun günü keçirilir".

E.Əmrullayev qeyd edib ki, sentyabrın 15-də Xankəndi Qarabağ Universiteti fəaliyyətə başlayacaq. Nazir vurğulayıb ki, bu, Azərbaycan təhsil tarixinin ən parlaq səhifələrindən biri olacaq:

"Çünki bu universitet yenidən fəaliyyətə başlayacaq. Biz onun fəaliyyətini bərpa edə bildik”.