BŞTİ müdiri: "Bakıda koronavirusa görə bağlı qalan məktəb yoxdur"

"Hazırda Bakı Şəhəri üzrə Təhsil İdarəsinin nəzdində fəaliyyət göstərən məktəblərin heç biri koronavirusla əlaqəli distant tədrisdə deyil".

Bunu "Report"un sualını cavablandıran İdarənin müdiri Mehriban Vəliyeva deyib.

Onun sözlərinə görə, martın 20-dən Novruz bayramı ilə əlaqədar məktəblərdə də tətil başlayır:

"Distant tədrisdə olan siniflər də tətil müddəti bitəndə əyani tədrisə qayıdacaqlar".

M.Vəliyeva əlavə edib ki, hazırda ümumtəhsil müəssisələrində pandemiya ilə əlaqəli vəziyyət sabitdir.