BŞTİ: Bütün tədris müəssisələri yeni tədris ilinə hazırdır

"Bütün tədris müəssisələri yeni tədris ilinə hazırdır".

Bunu "Report"un sualına cavab olaraq Bakı şəhəri üzrə Təhsil İdarəsinin (BŞTİ) müdiri Mehriban Vəliyeva deyib.

Onun sözlərinə görə, bu il 1 milyon 850 mindən artıq dərslik yerlərə çatdırılıb. Məktəblərdə dərsliklərlə bağlı problem yoxdur.

BŞTİ müdiri qeyd edib ki, 50 məktəb və 30 bağçanın cari təmiri başa çatdırılıb: "1 məktəbdə və 5 bağçada əsaslı təmir işləri aparılıb. Bütün tədris müəssisələri yeni tədris ilinə, demək olar ki, hazırdır".