Balakəndə qəzalı vəziyyətdə olan məktəb üçün yeni bina tikilir

Balakəndə qəzalı vəziyyətdə olan məktəb üçün yeni bina tikilir.

"Report"un Şimal-qərb bürosunun məlumatına görə, Bedağar kənd tam orta məktəbinin 2 mərtəbəli və 180 şagird yerlik yeni binası müasir standartlara cavab verəcək.

Hazırda məktəbin birinci mərtəbəsinin döşəmə hissəsinin beton üzlüyə alınması işləri həyata keçirilir.

Qeyd edək ki, məktəbin köhnə binası söküldüyündən şagirdlər müvəqqəti olaraq qonşu kənddə təhsilinə davam edəcəklər. Məktəb 1970-ci ildə tikilib və Bedağar kəndində yeganə təhsil müəssisəsidir.