Bakıda sağlamlıq imkanları məhdud 19 şagirdə distant təhsil keçirilir

Bakıda sağlamlıq imkanları məhdud 19 şagirdə distant təhsil keçirilir Hazırda distant tədris mərkəzində çalışan pedaqoji heyətin üzvləri sağlamlıq imkanları məhdud 19 şagirdin evdə təhsilini distant formada təşkil edir.
Elm və təhsil
335
7 Aprel , 2020 12:18
Bakıda sağlamlıq imkanları məhdud 19 şagirdə distant təhsil keçirilir

Hazırda distant tədris mərkəzində çalışan pedaqoji heyətin üzvləri sağlamlıq imkanları məhdud 19 şagirdin evdə təhsilini distant formada təşkil edir.

“Report” xəbər verir ki, bu barədə Bakı Şəhəri üzrə Təhsil İdarəsi məlumat yayıb.

Qeyd olunub ki, Bakı şəhəri üzrə Təhsil İdarəsinin tabeliyindəki 219 nömrəli evdə təhsil məktəbinin distant mərkəzində sağlamlıq imkanları məhdud uşaqlar üçün dərslər "Microsoft Teams" platforması üzərindən aparılır.

Məktəbin pedaqoji kollektivi tərəfindən öncə şagirdlər siniflərdə qruplaşdırılır. Müvafiq tədris materialları ilə təmin olunan müəllimlər hazırladıqları tapşırıqları platformada yerləşdirirlər.

Dərslərdə hər bir şagirdin fərdi xüsusiyyətləri nəzərə alınmaqla müxtəlif elektron resurslardan, video materiallardan və test nümunələrindən istifadə olunur. Qeyd edək ki, məktəbdə evdə təhsilin distant formada təşkilinə 2011-2012-ci tədris ilindən başlanılıb. Heydər Əliyev Fondunun dəstəyi ilə fəaliyyətə başlayan layihə şagirdlər tərəfindən maraqla qarşılanır. Sağlamlıq imkanları məhdud uşaqların evdə təhsili artıq 9 ildir distant formada təşkil olunur.

Son xəbərlər

Orphus sistemi