Bakıda "İngilis dili həftəsi" başlayır

Bakıda müəllimlər üçün "İngilis dili həftəsi" təşkil ediləcək.

"Report" xəbər verir ki, bu səpkidən olan tədbirlər ABŞ-ın Azərbaycandakı səfirliyi tərəfindən təşkil olunacaq.

Qeyd olunur ki, sentyabrın 9-dan 13-dək müəllimlərin ingilis dili biliklərini artırmaq məqsədi ilə bir sıra tədbirlər keçiriləcək. Tədbirlərdə, ümumilikdə, Azərbaycanın müxtəlif regionlarından 100-dən çox müəllim iştirak edəcək.

O cümlədən sentyabrın 12-də Bakı Amerika Mərkəzində müəllimlər üçün açıq mühazirə təşkil ediləcək.