Bakıda fransız dili və mədəniyyətini təbliğ etdiyi üçün müəllimləri mükafatlandırıblar

Bakıda fransız dili və mədəniyyətini təbliğ etdiyi üçün müəllimləri mükafatlandırıblar Fransanın Azərbaycandakı səfiri onlara "Akademik palma budağı" mükafatı təqdim edib
Elm və təhsil
312
13 Aprel , 2016 08:45
Bakıda fransız dili və mədəniyyətini təbliğ etdiyi üçün müəllimləri mükafatlandırıblar

Bakı. 13 aprel. REPORT.AZ/ Bakıda Frankofoniya həftəsi çərçivəsində fransız dili müəllimlərinin "Akademik palma budağı" ilə mükafatlandırma mərasimi keçirilib.

"Report" xəbər verir ki, tədbir Fransanın Azərbaycandakı səfirliyində keçirilib.

Tədbirdə çıxış edən Fransanın Azərbaycandakı səfiri Aureliya Buşe bu mükafatın fransız dilini və mədəniyyətini öz ölkələrində təbliğ edən şəxslərə verildiyini qeyd edib.

Bundan sonra mükafatlandırma mərasimi keçirilib. "Akademik palma budağı" mükafatına Sorbonna Universitetinin fəxri professoru, Azərbaycan Milli Elmlər Akademiyasının fəlsəfə və hüquq İnstitutunun beynəlxalq münasibətlər üzrə direktoru Zöhrə Əliyeva, Azərbaycan Dillər Universitetinin fransız dili kafedrasının müəllimi Alik Hənifəyev, Bakı Dövlət Universitetinin fransız dili müəllimi Elmira Fərəcullayeva, Qazax rayonunda məktəb direktoru Söylü Xəlilova layiq görülüb.

Son xəbərlər

Orphus sistemi