Azərbaycanda 280 min şagirdin STEAM əsaslı tədrisə cəlb olunması planlaşdırılır

2026-cı ildə 280 min şagirdin STEAM əsaslı tədrisə cəlbi nəzərdə tutulur.

"Report" xəbər verir ki, bu barədə elm və təhsil naziri Emin Əmrullayev Azərbaycan müəllimlərinin XVI qurultayında çıxışında məlumat verib.

Onun sözlərinə görə, hər bir müəllim öz tədris etdiyi fəndən başqa digər fənnə maraq göstərmədiyindən sonda bunun şagirdə təsiri neqativ və böyükdür: "STEAM-in mahiyyəti də fərqlidir. Çünki bir çoxu üçün oyuncaq kimi görünən dronu uçurmaq böyük diqqət tələb edir. Bunun üçün şagirdin kifayət qədər riyazi və digər bacarıqlarının hamısı bir yerdə olmalıdır".