Azərbaycan məktəblərində müəllim vəzifəsinə 9 mindən artıq vakant yer var

Hazırda 9 000-dən artıq müəllim vakant yerimiz var.

“Report” xəbər verir ki, bunu Təhsil İnstitutunun İnsan Resursları Mərkəzinin direktoru Nurlan İsmayılbəyli deyib.

O bildirib ki, vakant yerlərin sistemə daxil edilməsi prosesi davam edir:

“Müsabiqənin vakansiya seçimi mərhələsinə qədər yerlərin daha da artacağına ümid edirik”.

Direktor deyib ki, son iki ilin statistikasına əsasən 8 000 müəllim daimi əsaslarla, 12 000 müəllim isə müddətli əsaslarla işə qəbul olunub.